Şeyxülislam Allahşükür Paşazadə İran Prezidentinin müşaviri Mədəniyyət v

Görüşdə Şeyxülislam Allahşükür Paşazadə qonağı səmimi salamlayaraq, İranla Azərbaycan arasında mövcud olan mənəvi əlaqələrdən bəhs etmişdir. O, İranla Azərbaycan arasındakı əlaqələrin yüksək səviyyədə olduğunu    və   Dağlıq   Qarabağ   probleminin olduğunu və Dağlıq Qarabağ problemininhəllində İranın həmişə Azərbaycana dəstək olduğunu qeyd etmişdi. Şeyxülislam, ölkələrimiz arasında qədim tarixi olan əlaqələrdən danışmış,  Azərbaycan ilə İran arasında son illər surətlə inkişaf edən siyasi, iqtisadi,  mədəni, dini və digər sahələrdə əməkdaşlığın səviyyəsindən razılığını  bildirdi.   Şeyxülislam A. Paşazadə, İranın İslamın möhkəmləndirilməsi işindəki fəaliyyətini  təqdir eti. O əminliklə bildirdi ki, İran   Prezidentinin müşavirinin Azərbaycana  səfəri iki qonşu xalq arasında mədəni əlaqələrin genişlənməsinə  və  gələcəkdə   əməkdaşlığın daha da möhkəmlənməsinə  xidmət  edəcəkdir.  A.  Paşazadə  İranın   xalqımızın  ən   ağrılı  problemi  olan Ermənistan - Azərbaycan,  Dağlıq  Qarabağ  münaqişəsinin  Azərbaycanın  ərazi bütövlüyü çərçivəsində həlli  istiqamətində  göstərdiyi səyləri yüksək qiymətləndirdi.
         Şeyxülislam ,   qonaqlara   XX   əsrin   sonlarında    müstəqilliyini   bərpa   etmiş Azərbaycanın  üzləşdiyi çətinliklərdən, xalqın istəyi ilə hakimiyyətə qayıtmış   ümummilli   lider Heydər   Əliyevin  ölkəmizi parçalanmaqdan xilas istiqamətində misilsiz xidmətlərindən danışdı. Şeyxülislam, Prezident İlham Əliyevin rəhbərliyi ilə Azərbaycanın beynəlxalq aləmdə yeni uğurlara imza  atdığından, ölkəmizin həyatın bütün sahələrində  böyük  uğurlar   qazandığından, ökəmizdə  dini-mənəvi  dəyərlərin  qorunub   saxlanılmasına,   inkişaf    etdirilməsinə    ali   səviyyədə   qayğı və diqqət göstərilməsindən   qonaqlara   söhbət   açdı.   O,  görülən   işlərin   Azərbaycanın    parlaq   gələcəyinin  təmininə xidmət etdiyini xüsusi  vurğuladı.
         Öz növbəsində M.  Mustafəvi Azərbaycan ilə İran arasında dostluq əlaqələrinin getdikcə daha da möhkəmlənməsini sevindirici hal kimi dəyərləndirdi. Azərbaycana gəlişinin  əhəmiyyətli olduğunu qeyd  edən  qonaq, Şeyxülislamı  ziyarət etməyin xüsusi önəm daşıdığını rəğbətlə vurğuladı. O, Şeyxə böyük hörmət bəslədiyini dilə gətirərək onun İslam yolunda göstərdiyi   fəaliyyətin təqdirəlayiq olduğunu İranın mötəbər  şəxsiyyətləri  tərəfindən  də ona böyük   ehtiramın   mövcud olduğunu bildirdi.  Mehdi  Mustafəvi  qeyd  etdi  ki, cəmiyyətdə insanların dinə  bağlılığı gözəl əxlaq üçün  təminatdı. Bu baxımdan, qonaq   Azərbaycan   rəhbərliyi  tərəfindən ölkədə islam dininə diqqət və qayğını, yeni məscidlərin  tikintisini yüksək dəyərləndirdi, Şeyxülislam Qafqaz bölgəsində islam dininin təbliği  sahəsində səylərini vurğuladı.
          Səmimi   şəraitdə   keçən    qəbulun  sonunda Şeyxülislam A. Paşazadə görüşdən xatirə olaraq Mehdi  Mustafəviyə İçərişəhərin mənzərəsini əks etdirən şəkil təqdim etmişdir. Qonaq,  öz növbəsində, Şeyxülislama nəfis şəkildə bəzədilmiş Qurani-Kərim  kitabı hədiyyə etmişdir.
 

Qafqaz Müsəlmanları İdarəsi Mətbuat Xidməti      

Azeri, 30 Ekim 2009 13:19