DQİDK: ?Fatimeyi Zəhra (s.ə)? məscidi və icması yenidən qeydiyyata alına bilər

Yeni Günəşlidəki “Fatimeyi-Zəhra (s.ə)” məscidinin icma üzvləri Dini Qurumlarla İş üzrə Dövlət Komitəsində olublar. İcma olaraq sənədləri aidiyyəti şəxslərə təqdim ediblər. İcmanın komitədəki görüşləri barədə “Dəyərlər”ə danışarkən icma sədri Seyyid Tofiq Rəsizadə bildirmişdir: “Bütün sənədlərimizi təqdim etdik. 67-yə qədər sənəd olardı. Yenidən qeydiyyatla bağlı rəsmi müraciətimizi etdik. Daha sonra komitənin dini qurumlarla iş üzrə şöbə müdiri Gündüz İsmayılovla görüşdük. Onun məscid və icmamız haqqında mətbuatdakı səsləndirdiyi mənfi fikirlər ki, var idi - bu görüşlərdən sonra hamısı unuduldu. Söhbət mənfi fikirlərdən gedir”. Öz növbəsində şöbə müdir məscid icmasını başa düşdüyünü bildirib. “Sənədləri verin, qeydiyyata da alacağıq. İnşaallah sizin də xeyrinizə həll olunar. Biz heç vaxt Allah evini sökmək istəməmişik. Biz başa düşürük ki, o dünyada Qiyamət günü Allah evinə görə cavab veriləcək” – deyə komitə rəsmisi G.İsmayılav görüş zamanı bildirib.

İcma üzvləri komitəyə ərizə ilə müraciət edərək Fitr bayramında camaatın məsciddə namaz qılması haqqında xahişlə də müraciət ediblər. G. İsmayılov bu haqda da məsləhətləşilib cavab verəcəklərini bildirib.

İcma üzvləri tərəfindən görüşlər yüksək dəyərləndirilib. “Məscidimiz və icmamız haqında nə mənfi fikirlər var idi, hamısı aradan getdi. Bir qədər məscidimiz adı ilə bağlı çətinlik yaranmışdı, o da həll ediləcək” – deyə icma sədri bildirib. Sonda “problem yoxdur. Sənədlər qeydiyyata götürüləcəkdir. Məhkəmə də məsələni xeyrə həll edər. Nə bizim idarə, nə də biz heç vaxt istəmərik ki, məscid sökülsün” – deyə komitə tərəfindən bildirilib.

Deyerler.org

Azeri, 19 Eylul 2009 03:34