İran  Parlamentinin sədri İraqın keçmiş baş naziri ilə görüşdə deyib : İranın İraqda demokratiyanın bərqərar edilməsi və sabitliyin yaradılması ilə bağlı mövqeyi siyasi oyun deyil.
İRNA-nın məlumatına görə Əli Laricani İraqın keçmiş baş naziri və Milli İslah Partiyasının katibi İbrahim Cəfəri ilə görüşdə İranın məntəqə xüsusi ilə də İraq məsələləri ilə bağlı prinsipial mövqeyinin islami quruluşun dini etiqadlarına söykəndiyini bildirib .
Laricani İraqın gələcək siyasi perspektivinə aydınlıq gətirərək, bu ölkədə milli və islamçı qrupların birliyini zəruri adlandırıb .
İraqın keçmiş baş naziri də iki ölkə arasındakı münasibətlərin əhəmiyyətinə təkid edərək deyib : İİR-in siyasətləri daim İraqda sabitlik və təhlükəsizliyin bərqərar edilməsində təsirli rola malik olub .
İbrahim Cəfəri əlavə edib : İraq İranın müxtəlif sahələrdəki təcrübələrindin xüsusi ilə də İslami Şura Məclisinin qanunvericilik və qanunların icrasına nəzarət sahəsindəki təcrübələrindən faydalanmağa ehtiyaclıdır.