Xanım Fatiməyi-Zəhra (s.ə.) elə bir xanımdır ki, onun ibadəti, tarixdəki rolu, hədislər baxımından şəxsiyyətinin böyüklüyü araşdırmaları labüd edir. Hər bir kəs bu məsuliyyəti öz üzərində hiss edirsə, bu işlərə tamaşaçı kimi uzaqdan baxmamamlıdır. Əlindən gələni bacardığı mövzuda ortaya qoymalıdır. Dünyanın da müxtəlif yerlərində bu mövzulara uyğun seminarlar, konfranslar keçirilir.

Elə bu səbəbdən İçərişəhər “Cümə” məscidi dini icmasının “Hikmət evi” disput mərkəzi “Xanım Zəhra (s.ə.) günləri” mövzusunda seminar keçirib. Müxtəlif mövzularda nitq söyləyən məruzəçilər, dinləyicilər tərəfindən maraqla dinlənilib. Mövzular müxtəlf olsa da, əsasən Xanımın (s.ə.) izzətli həyat yolundan bəhs olunub.

İlk olaraq seminarı giriş sözü ilə açan Asif İsmayılov məruzəçiləri təqdim etdi. Onların toxunduqları məqamlar haqqında məlumat verərək, öz məruzəsini dinləyicilərə təqdim etdi. “Xanımın ibadəti” mövzusunda çıxış edən İsmayılov, hədislərə istinad edərək bu nöqtəni daha geniş işıqlandırmağa çalışdı. Peyğəmbər qızının mehrabda nur saçmasından, rüku və səcdələrini uzatmasından, evində böyütdüyü övladlarına gözəl ana olmasından bəhs edən hədislər, mövzunu daha da maraqlı etmişdir.

Məruzəçi sonda Xanımın evində xidmət edən Fizzə adlı qulluqçunun bir özəlliyindən də danışdı ki, bu da xanımın tərbiyəsinin və elminin dərəcəsindən xəbər verirdi. Xanımın xidmətçısı Fizzə 20 ilə yaxın danışıqlları ancaq Quran ayələri əsasında olmuşdu.

İkinci çıxış edən məruzəci Orucov Nadir “Xanım Zəhra (s.ə.) - insanlıq tarixındə dönüş nöqtəsi” mövzusunda çıxış etdi. Rus dilində edilən bu məruzə, dinləyicilərin marağına səbəb olmuşdu. İlk hissədə qeyd olunub ki, müxtəlif zamanlardakı tarixçılərin siyası vəziyyətindən və müxtəlif baxışlardan aslı olmayaraq, on dörd Məsumun həyatı insanlıq tarixində zülmlə mübarizə aparanlar üçün örnək olaraq tarixdə qeyd olunub. Mübarək mövludundan, ailəsindən, övladlarından, qısa həyat yolundan bəhs edən məruzə digər mövzulara keçid alaraq, rəngarəngliyini qoruyub saxlaya bilib. Atasının Xanımla olan məxsusi münasibətindən soz açan çıxışçı, onun ilahi məqamına diqqət çəkib. Dünyaya olan xanımların ən üstünü olan Xanım Zəhra (s.ə.) ilə bərabər, Asya xanım, Məryəm xanım, Xədicə xanımın da adının qeyd olunması məruzəyə xüsusi bir təravət vermişdi. Çıxışçı geniş hədis toplumundan istifadə edib, məruzəni məzmunlu etmişdi. “Allah Fatimə (s.ə.) qəzəbi ilə qəzəblənər, razılığı onun razılığı ilədir. Xanım Zəhra (s.ə.) dünya və axirət xanımlarının seyyidəsidir. O, Allaha ibadət zamanı mehrabda durarkən, onun nuru göy əhlini nurlandırardı, necə ki, ulduzlar yer əhlini nurlandırır” kimi hədislər Xanımın mübarək həyatına geniş bir ümman açır.

Növbəti məruzəçi Əmircanov Muhəmməd Xanımın həyatında baş vermış bir hadisəni çox gözəl bir üslubda çatdiraraq, çıxışını başladı. Həzrət Əli (ə) bir gün Xanım Zəhradan (s.ə.)evdə bir şeyin olub-olmamasını xəbər alır. Xanım cavabında artıq iki gündən artıqdır ki, evdə bir şeyin olmamasını xəbər verir. Həzrət Əli (ə) nə üçün bu vaxta qədər bundan xəbərsiz olmasının səbəbini soruşduqda, Xanım özünə məxsus cavab verərək, insanlıq tablosuna bir örnək verir: “Mən həya etdim sənin gücün çatmadığın bir şeyi səndən istəyim”. Həzrət Əli (ə) bazara yollanıb, əldə etdiyi bir dirhəmi yolda əlacsız halda dayanan Miqdada verir. Özünün ailəsinin evdə ac olmasına baxmayaraq, əldə etdiyini də yoldaşı ilə paylaşıb evə gəlir. Xanım Zəhra (s.ə.) bir şey gətirib-gətirmədiyini soruşur. Həzərt Əli(ə) cavabında olanları danışır və bu savabda onu da şərik etdiyini bildirir. Bu geniş və məzmunlu hədisdən nəticələri qeyd edən məruzəçı, dinləyiciləri Xanımın ailə həyatındakı davranışlarına nəzər salmağa dəvət edir. Əmircanov M. məruzənin müxtəlif yerlərində Xanımın müxtəlif mövzulara münasibətindən danışaraq, seminara daha da rəngarənglik vermişdir.

Dördüncü sırada məruzə edən Abbaszadə Nəcəf, məruzəsinə Həzrət Peyğəmbərin (s) vəfatı illərindən giriş edir. Məruzə “Vilayətin ilk şəhidəsi” adı altında olunmuşdu. Həzərt Peyğəmbərin (s) vəfatı illərində o dövrün siyasi vəziyyətindən, ikiüzlü insanların kinlərinin biruzə verməsindən məruzə edən Abbaszadə N., Xanımın həyatını fərqli bir baxışdan işıqlandırmaq fikrində idi. Xanımın lap kiçik yaşlarındakı mübarızəsindən bəhs edən məruzəçi, tarixi mənbələrə istinad edərək, bir neçə nümunə də gətirdi. Atasının vəfatından sonra çox əziyyət çəkən Xanım, Həzərt Əlinin (ə) vilayəti üçün əlindən gələni edir. Hətta bu yolda özünü fəda etməkdən belə çəkinmir.

“Xanım, qəbrinin gizli qalması ilə olsa belə Əli (ə) vilayətini hifz elədi”, - deyə qeyd edən Abbaszadə N., məruzəsini dualarla sona çatdırdı.

Sonuncu məruzəçi - Həmzəli Mətləb “Xanım Zəhra (s.ə.) Məsumların dilində” adlı məruzəsini etdi. Məruzəçi ilk olaraq Xanımın adlarına diqqət çəkdi. Xanımın çəkdiyi iztirablara bədii üslubla xoş çalar verdi. İlk olaraq Hədisi-Qüdsiyə istinad edən bir hədisdə, Xanımın Allah yanındakı məqamına işıq saldı. Rəsuli-Əkrəmin (s) dilindən nəql olunan hədisi zikr etməklə, Xanımın atasının yanındakı məqamını və onu səhabələrə təqdimatını xüsusi qeyd etdi. Həzrət Peyğəmbər (s) Xanımı elə bir tərzdə təqdim edir ki, vəfatından sonra heç bir bəhanəyə yer qalmasın. Ona atasının daimi və davamlı ehtiramından bəhs edən məruzəçi, bu hissələrə xüsusi işıq salır. İmam Əlidən (ə) və İmam Həsəndən (ə) nəql olunan hədislər də diqqət mərkəzində olub. İmam Hüseynin (ə): “Anacan, bax, üzümü ayağını altına qoyuram, Kərbəlada başımın üzərinə tez gələsən” - deməsi məruzəyə xüsusi ahəng verdi

Bununla da seminar başa çatdı.

/Deyerler.org/