APA-nın Türkiyə xəbər agentliklərinə istinadən verdiyi məlumata görə, R. T. Ərdoğan mərasimə Türkiyə cəfərilərinin lideri Səlahəddin Özgündüzlə birlikdə gəlib. Həzrət Hüseynə və digər İmamlara həsr olunmuş mərsiyələrin söylənildiyi matəmdə R. T. Ərdoğan çıxış edib. O, bütün Türkiyə müsəlmanlarını qardaşlığa çağırıb.

S.Özgündüz baş nazirlə söhbətində Türkiyədəki şiələrin problemləri ilə yanaşı, Ermənistanla imzalanmış protokollara da toxunub. O, protokollarla bağlı Türkiyə ilə Azərbaycan arasında yaranan soyuqluqdan danışıb: “Mərhum Heydər Əliyevin dediyi kimi, biz bir millət, iki dövlətik. Hörmətli baş nazirimiz “Qarabağ məsələsi həll olunmadan bu protokollar həyata keçirilməyəcək” deyib. Mən buna inanıram”.